Kuchh Ankahee....

Kuchh ankhahee si baatein hain

               Kuchh bhuli bisri yaadein hain

Kuchh adhuri si mulakaatein hain

               Or kuchh.. chand bachi meri saanse hain...

Sahej ke rakhe hai wo pal jo mene bitaaye the sang

              Shayad unme k..uchhh... khusiyon ki saugaatein hain...

Kuchh meethi shararatein hain
             Kuchh khatti shikayatein hain
Kuchh jhoomte taraane hain
            Or Kuchh gujarte jamaane hain....

Jaana to chaahta hun yaha se bahut door
          Per man me padi kuchh adhuri si muraadein hain..

Aisa lag raha hai kuch reh sa gaya hai hamaare beech
         Lagta hai kuchh ansuljhe sawal abhi bhi suljhaane hain...

Ehsaas.......

Wo aayi mere khwabon me,
                                Uske aane ka ehsaas mujhe ab tak hai.
Wo bethi mere paas ,
                               Uski khusboo ka ehsaas mujhe ab tak hai. 

               Uski wo masoom si aankhen niharti rahi mujhe,
               Or hum dono kho se gaye us manzar me,
               Fir usne jo chhua mere haatho ko,
               Uske chhune ka ehsaas mujhe ab tak hai.

Fir usne samet liya mujhe apni baahon me,
                               Uske itne kareeb jaane ka ehsaas mujhe ab tak hai.

Mene mehsoos ki uski tez chalti saansein or uski dhadkan,
                               Uski tez dhadkan ka ehsaas mujhe ab tak hai.

               Ye jaante hue bhi ki me apne man ki har baat nahi kehta,
                Fir bhi sab kuch sunna chahti thi shayad wo,
                Uske chehre per wo har baat sunne ka intezaar ab tak hai.

Usne mere labon ko chukar mere labon ki pyaas or bada di,
                               Labon ki pyaas na bhujne ka ehsaas  mujhe ab tak hai.

               Usne jaane ka kiya jo ishaara to meri jaan hi nikal gayi,
               Kuch hi der me aankhon se ojhal hoti chali gayi,
               Per uske wapas aane ka intezar mujhe ab tak hai.              

               Baat baat per yun hasna baat baat per yun rona,
               Baat baat per chillana wo bachhon jesi shararatein
               Uski in bheeni bheeni yaadon ka ehsaas mujhe ab tak hai.

Wo aayegi ek din or keh degi apne man ki saari baat, 
                             Uski is harkat ka intezar mujhe ab tak hai.

              Janta hun ki ye ek khwab hai,
              per suna hai ki khwab bhi kabhi kabhi sach ho jaate hai,
              apne khwab ke sach ho jaane ka intezar mujhe ab tak hai.